(Душанбе, 31.08.2010. с., Одинашо Муродов) Имрӯз аз ҷониби Бонки давлатии амонатгузории Ҷумҳурии Тоҷикистон «Амонатбонк» ба мактаб- парваришгоҳи №1- ноҳияи Рӯдакӣ кӯмаки хайрия расонида шуд. Кӯмаки мазкур аз маводи ғизои иборат буда, орду биринҷ, шакару равған, гушту сабзавот ва дигар намудҳои хӯрока дар ҳаҷми 7 ҳазор сомонӣ ба дастпарварони муассисаи мазкур, дар арафаи идҳои Фитру Истиқлоли миллӣ ва оғози соли нави хониш, чун анъана, пешкаш гардид.

(Душанбе, 09.07.2010,) Имрӯз дар Бинои марказии Бонки давлатии амонатгузории Ҷумҳурии Тоҷикистон «Амонатбонк» семинар - машғулияти омӯзишӣ оид ба татбиқи қарордоди пешниҳоди қарзҳо бо юани хитоӣ, бо ширкати мутахассисони Бонки давлатии рушди Хитой ва Амонатбонк, кори худро оғоз намуд. Семинарро бо сухани ифтитоҳӣ Муовини Раиси Раёсати БДА ҶТ «Амонатбонк» Абдуманнон Саидов кушод. Баъд мутахассисони ҳар ду бонк мавзӯи технлогияи пешниҳоди қарзҳоро бо юани хитоӣ мавриди баррасӣ қарор доданд.

(ВМКБ, Роштқалъа, О.Муродов 26.06.2010)Субҳи имрӯз дар маркази ноҳияи Роштқалъаи Вилояти Мухтори Кӯҳистони Бадахшон маросими кушодашавии бинои нави Шӯъбаи №78-и Бонки давлатии амонатгузории Ҷумхурии Тоҷикистон «Амонатбонк» доир гардид. Маросими мазкур дар доираи чорабиниҳои таҷлили ҷашни Вахдат миллӣ ва ташрифи Президенти Ҷумхурии Тоҷикистон ба навоҳии ВМКБ сурат гирифт. Лентаи рамзӣ аз ҷониби Ҷаноби Олӣ, мӯҳтарам Эмомалӣ Раҳмон бурида шуда, ҳангоми сӯҳбат Президенти кишвар ба кормандон ва мутахассисони бонки мазкур, ҷиҳати дар сатҳи баланд ба роҳ мондани фаъолият дастуру супоришҳо дод.