Зебоӣ, тавоноӣ ва доноӣ аз варзиш аст.

Дар раванди тарғиби тарзи ҳаёти солим ва бо назардошти эълон гардидани рӯзҳои шанбе ҳамчун рӯзи варзиш ва солимгардонӣ, субҳи имрӯз кормандони Раёсати БДА ҶТ “Амонатбонк” дастаҷамъона ба машқҳои пагоҳирӯзӣ баромаданд.

Макони варзиши имрӯза Боғи фарҳангӣ-фароғатии Алишер Навоӣ буд. Машқи пагоҳирӯзӣ аз давидан оғоз гардид. Сипас бо роҳбаладии варзишгар кормандон машқҳои махсуси варзиширо дар тачҳизоти муосири варзишӣ, ки дар Боғи Алишери Навоӣ насб гардидааст, иҷро намуданд.