Дар бораи чораҳои муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом

 Бо мақсади амали намудани талаботҳои қонунгузории Ҷумҳурии Тоҷикистон ва дигар санадҳои байналмилалӣ дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» бо фармоиши Раиси Раёсат Идораи мониторинги молиявӣ ва идоракунии хавфҳои бонкӣ таъсис дода шуд, ки ҳамчун сохтори мустақил дар пешбурди фаъолияти Бонк дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом, масъул мебошад.

Вазифаҳои асосии Идора ин ҷамъоварӣ, назорат, таҳлил ва мониторинги амалиёт  (аҳдҳо) бо маблағҳои пулӣ ва дигар молу мулк, ташкили пойгоҳи маълумотӣ, танзими мутобиқатии амалиётҳои гузаронидашаванда, пешниҳоди маълумот оиди амалиётҳои ҳатман назоратшаванда ва шубҳанок ба мақоми ваколатдор (Департаменти мониторинги молиявии назди Бонки миллии Тоҷикистон) ва омодаю пешниҳод  намудани ҷавобҳои дахлдор ба мақомоти ваколатдор   мебошад.

Дар доираи гузаронидани мониторинги гардиши амалиёт (аҳдҳо) бо маблағҳои пулӣ ва дигар молу мулк аз руи суратҳисоби мизоҷон назорати фаъолияти ҳамагуна амалиётҳои оддӣ ва шубҳанок, ки ба фаъолият ва хусусияти кории мизоҷ ва эҳтиёҷоти он (назорати амалиёти ҳаҷман калон, интиқоли маблағҳои пулӣ ба суратҳисобҳо ва ғ.) ягон мутобиқати надоранд, гузаронида мешаванд.

Бо мақсади иҷрои корҳои дар боло дарҷгардида ва амали намудани талаботҳои қонуну санадҳои меъёрии ҳуқуқии ин ҷода, “Сиёсати Амонатбонк дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом”  бо қарори Раёсат аз  26 июли соли 2022 таҳти №52 қабул гардид.

Кор дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силои қатли ом дар Амонатбонк тибқи талаботҳои қонуну санадҳои меъёрии ҳуқуқии зерин ба роҳ монда шудааст:


Вазифаҳои асосии Бонк дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом инҳо  мебошанд:

·        муайянкунӣ ва тафтиши мушаххасоти шахсияти мизоҷ ва молик – бенефитсиар;

·        гузаронидани мушаххасоти мизоҷ аз руи усули «Муштарии худро шинос»;

·        мониторинг ва таҳлили амалиёт (аҳдҳо) бо маблағҳои пулӣ ва дигар молу мулк;

·        ҷамъоварӣ ва нигоҳдории маълумотҳо оиди муштари ва  амалиёт (аҳдҳо) бо маблағҳои пулӣ ва дигар молу мулк;

·        ташкили пойгоҳи маълумоти оид ба шахсоне, ки ба терроризм  алоқамандӣ доранд;

·        муайянкунии дараҷаи хавфи шустушӯи пул ва мабалғгузории терроризм;

·        воқифкунии роҳбарияти бонк;

·        ташкили тартиби кирои кормандон;

·        ташкили талаботҳои соҳавӣ барои омода ва омузиши кормандон ва гузаронидани семинару омузишҳо ба кормандон;

·        коркарди тартиби аудити дохилӣ барои тафтиши чораҳо дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом. 


КВД БА ҶТ «Амонатбонк» 
Ҷумҳурии Тоҷикистон, ш. Душанбе,  хиёбони Рудакӣ 105

E-mail: info@amonatbonk.tj

+992 44 600 33 00

Whatsapp Bot Telegram Bot

Назарсанҷӣ оид ба баҳодиҳии хизматрасониҳои БДА ҶТ Амонатбонк